Водени од мотивот да дадеме придонес кон заштитата на населението и вработените во институциите и целото македонско стопанство – го креиравме брендот UniMask (УНИМАСК) - висококвалитетни 3 слојни заштитни и медицински маски! Наша цел е преку UniMask да овозможиме заштитни маски со прифатлива цена, достапни за сите наши граѓани. Оттука, во услови на криза инвестиравме во опремување на соодветен простор и набавка на автоматска линија за производство на трислојни заштитни маски со капацитет од 50 маски во минута. UniMask маските се неиритирачки, меки, комфорни, водоотпорни, лесно прилагодливи и со одлична филтрација. Истовремено овозможуваат висока заштита од вирусни, бактериски, поленски и други загадувања.

Нашата компанија УНИВЕЛ ДООЕЛ е основана во 1988 година, како занаетчиски дуќан, кога е започнато производство на напонски регулатори (реглери) за автомобилска индустрија. Во 1992 година УНИВЕЛ е регистрирана како производно трговско претпријатие. Покрај производството на електронски производи започнува трговија на големо со канцелариски потрошни материјали. Низ времето дејноста се проширува и со училишен програм, за во 1998 година УНИВЕЛ да стане застапник за BIC Франција и уште десеттина други брендови. Од 2000 година започнато е производство на канцелариски производи како регистратори, папки, архивски кутии, ќеси и сл.

Во моментов нашата компанија располага со простор од 1.600м2, брои 15 вработени и има голем асортиман на висококвалитетни производи. Долгогодишна соработка со преку 1.000 активни и задоволни клиенти и соработници е доказ за нашиот професионализам, иновативност, истрајност и посветеност во работата.

Светски брендови со кои работи нашата фирма во моментов: FILA – GIOTTO Италија, FACTIS Шпанија, Elisa Словенија, ZOEWIE Германија, Статовац и Универзал Србија, Диакакис Грција и BIC Sport Франција. Можеме да се пофалиме и со одлична соработка и потпишани годишни договори со најпознатите ланци на маркети и најдобрите книжарници во државата.